Moin, mitnanner!
Mien Naam is Freerk. Ik bün een Tiedgeist ut de Overledinger Geschichte. To mien Leevtieden was ik Beurtschipper up’t Westerfehn. Ik harr een egen Schipp un hebb för de Siedler Törf na Leer of Emden brocht un Waren weer mit torügg, de de Siedler so to’d Leven bruukden. Anfangen bün ik sülvst ok as Siedler. Ik harr een lüttje Kolonat un hebb Törf ofbaut un verköfft. Irgendwenher kunn ik mi denn een egen Muttschipp koopen.
Nu hebb ik mi dat Fehntheater ansloten. Ik bün aver nich de eenzige Tiedgeist ut dat Overledinger Land. Ik hebb noch annern funnen, de nu mit mi dör de Tied reisen. Wi spölen plattdüütske Fehn- und Dörpgeschichten un wiesen jo, wo dat Leven hier fröher was. Daarbi gah wi ok woll eenige Jahrhunnerte torügg. Wi wiesen kien groote Begevenheiten, man Szenen ut de Alldag. Daar komen ok een paar bekannte Persönlichkeiten vör, aver de meesten sünd eenfache Lüü.
Wenn wi ok mal bi jo spölen söllnt, up een Jubiläumsfier, Wiehnachtsfier of annerswaar, waar dat henpasst, seggt uns eenfach Bescheed. In’t Internet finnt ji uns unner www.fehntheater.de. Daar köönt ji sehn, wo ji uns raken köönt un wat wi all so spölen.